ಹೃದಯದ ಮಾತು

ನಿನ್ನ ಹೃದಯದಿಂದ ಮಾತನಾಡುವವರೆಗೂ, ನೀನು ಯಾರ ಹೃದಯವವನ್ನು ಮುಟ್ಟಲಾಗುವುದಿಲ್ಲ

ಹೃದಯಕ್ಕೆ ಬಾಯಿದ್ದರೆ,

ಏನೆಲ್ಲಾ ಹೆಳುತ್ತಿತ್ತೋ ಏನೋ .......
ನೆತ್ತರಿನಾಳದಲಿ ಮಿಡಿವ ,

ಹತ್ತಾರು ಭಾವನೆಗಳ ..........

ಕಣ್ಣಿನಲಿ, ಮೌನದಲಿ,

ಹೇಳಬಹುದಾದ ಎಲ್ಲವನ್ನೂ..........

ಒಂದೇ ನುಡಿಯಲಿ,

ನುಡಿಯುತ್ತಿತ್ತು, ಹೌದು

..............................................

ಧನಿ ತೆಗೆದು ಹಾಡುವಂತೆ ಇದ್ದರೆ ಹೃದಯ,

ಕನಸಿನ ಲೋಕಗಳು,

ಗಂಧರ್ವ ನಗರಿಗಳು,

ತೆರೆಯುತಿದ್ದವು ಕಣ್ಣಮುಂದೆ !

ನಂಬುಗೆಯ ಬಾಳ ಜೀವನ

ನಿನಗೆ ನೀನೆ
ಗೆಳಯ ನಿನಗೆ ನೀನೇ............
ಅವರಿವರ ನಂಬುಗೆಯ
ಮಳಲ ರಾಶಿಯ ಮೇಲೆ ,
ಬಾಳ ಮನೆಯನು
ಮುಗಿಲಿಗೇರಿಸಲಿಹೆಯ..............?